Tizim ma'muri (System Administrator)

Korxonaning korporativ tarmog‘i va server infratuzilmasi barqarorligini, xavfsizligini hamda uzluksiz ishlashini ta'minlash.

Tarmoqlararo ekranlar (Firewall) va xavfsizlik shlyuzlarini (OPNsense, Kerio Control) ma'murlash: kirish qoidalari, kontent filtrlash hamda IDS/IPS (bostirib kirishni aniqlash va oldini olish) tizimlarini sozlash.

Virtualizatsiya muhitlarini (Proxmox VE, VMware ESXi) boshqarish; Ubuntu Server va Windows Server operatsion tizimlarini sozlash hamda qo‘llab-quvvatlash.

Zabbix tizimi orqali tarmoq va serverlar monitoringini noldan yo‘lga qo‘yish, ko‘rsatkichlarni kuzatish va Telegram orqali avtomatik bildirishnomalarni (alerting) integratsiya qilish.

Active Directory (yoki Samba4 AD DC) muhitida domen foydalanuvchilari, guruhlar va kirish huquqlarini (GPO) markazlashgan holda boshqarish; ruxsat etilmagan kirishlarni cheklash.

Barcha muhim tizimlar, ma'lumotlar bazalari va server konfiguratsiyalarining muntazam zaxira nusxalarini olish (masalan, Veeam, Proxmox Backup Server), ularning yaxlitligini tekshirish hamda nosozlik yuz berganda qayta tiklash (RTO/RPO talablari asosida) rejalarini sinovdan o'tkazish.

Korxona miqyosidagi DHCP relay, statik/dinamik ajratishlar, ichki/tashqi DNS yozuvlari va NTP sinxronizatsiyasini to'g'ri sozlash hamda uzluksizligini nazorat qilish.

Ichki veb-resurslar va xizmatlar uchun Nginx Proxy Manager / HAProxy orqali xavfsiz marshrutlash, SSL/TLS sertifikatlarini (Let's Encrypt va lokal CA) yangilab borish.

Server operatsion tizimlari, dasturiy ta'minotlar va tarmoq qurilmalari proshivkalarini (firmware) rejaviy ravishda xavfsizlik yangilanishlari bilan ta'minlash, zaifliklarni (CVE) yopish.

Markazlashgan korporativ antivirus/EDR boshqaruvi, siyosatlarni yangilash, Device Control qoidalariga rioya etilishini nazorat qilish.

Tizim xatoliklari, server jurnallari va tarmoq hodisalarini (Syslog, Event Viewer, audit loglari) muntazam tahlil qilib borish, xavfsizlik buzilishlarini erta bosqichda aniqlash.

Barcha serverlar, tarmoq qurilmalari, kompyuterlar va litsenziyalar hisobini (masalan, GLPI) yuritish, resurslarning yetarliligini oldindan rejalashtirish (Capacity Planning).

Kritik servislar uchun klaster tizimlari (failover, load balancing) ishonchliligini kuzatish va uzilish vaqtini (downtime) minimallashtirish.

Tizim ma'muri lavozimida kamida 1 yillik amaliy ish tajribasi.

TCP/IP protokollar steki, L2/L3 tarmoq arxitekturasi va marshrutlash prinsiplari bo‘yicha mustahkam bilimlar.

OPNsense yoki shunga o‘xshash xavfsizlik shlyuzlari (Firewall/NGFW) bilan ishlash ko‘nikmasi.

Gipervizorlar (Proxmox VE, ESXi) va virtual tarmoqlarni sozlash bo‘yicha tushuncha hamda tajriba.

Monitoring tizimini o‘rnatish, sozlash va qo'llab-quvvatlash tajribasi.

Korxona axborot xavfsizligi asoslari va tarmoq perimetrini himoya qilish qoidalarini bilish.

Windows Server Active Directory yoki Linux Samba4 AD DC, DNS, DHCP, GPO (Group Policy Management) arxitekturasini chuqur tushunish va amalda boshqarganlik.

Zaxira nusxalar yaratish prinsiplari (3-2-1 qoidasi), zaxira dasturlari (Veeam Backup & Replication, Proxmox Backup Server, rsync) bilan ishlash hamda tizimlarni "noldan" tiklash (Disaster Recovery) tajribasi.

Reverse Proxy (Nginx, HAProxy) ishlash mexanizmlari, SSL/TLS sertifikatlari bilan ishlash (CSR yaratish, o'rnatish, avtomatik yangilash) ko'nikmasi.

Tizim jurnallari (Linux Syslog/Journald, Windows Event Viewer) bilan ishlash, tarmoq anomaliyalari va autentifikatsiya xatolarini mustaqil tahlil qila olish.

Server platformalari (HP, Dell, Supermicro), apparat darajasidagi boshqaruv (iLO, iDRAC), RAID massivlari (RAID 1, 5, 10) darajalari hamda NAS/SAN (NFS, iSCSI) bo'yicha tushunchalar.

Docker va Docker Compose bo'yicha bazaviy tushunchalar, servislar va konteynerlarni xavfsiz izolyatsiyada ko'tarish ko'nikmasi.

Operatsion tizimlar va dasturiy ta'minotlardagi yangilanishlarni xizmatlar to'xtab qolmasdan (downtime'siz yoki minimal ta'sir bilan) rejaviy tarzda o'rnatish usullarini bilish.

Tarmoq va server infratuzilmasini inventarizatsiya qilish (GLPI yoki shunga o'xshash CMDB tizimlari), IPAM vositalari bilan ishlash madaniyati.

O‘zbekiston Respublikasi Mehnat kodeksiga muvofiq rasmiy ishga joylashish.

Raqobatbardosh oylik maosh (texnik suhbat natijalariga ko‘ra belgilanadi).

Rivojlangan texnik infratuzilma va amaliyotda yangi yechimlarni sinab ko‘rish imkoniyati.

Tizim ma'murligi va axborot xavfsizligi yo‘nalishlarida professional va mansab o‘sishi istiqboli.